Amatxo

Nire ama zer da niretzat,

ama zein “neska-laguna”,

sendiko andrea, maite bat be,

bi muxu ta bihozduna.

Irribarretxoa ahoan,

ezpainetan hots kutuna,

etxea eramaten duena

eta baita be eraztuna.

Amonatxo ezin hobea,

sukaldean jakituna,

neure beste erizaina ta

zinezko alaitasuna.

Goitik behera emakumea,

atseginezko erdalduna,

altzo bat, beso pare bat ta

egiazko maitasuna.