Beste lobatxoa

Markel iloba zer da niretzat,

zer esan!, jaioberria,

egunak baino ile gehiago

dauzkana, haize berria.

Ulermen barik bi belarritxo,

hizkuntza gabe egia

duen ahoak ta ikusi ez nauten

begiek, ai ze begia!

Anderren usain ona duena,

ona bezain aberria,

oso inozoa ta ez dakiena

orain zer den gure herria…

Argi berri bat, oihularia,

poza tanta, alegia

olerki hutsa eta, maitea!,

ume artean umeegia.