Den bezala maite dudalako

Nire aitak, nire aitatxok

duen gauzarik txarrenak

esan ditzaket ze askotan

esan ditut hoberenak.

Perfekziorako joera

Dauka, baina ez berenak

diren gauzetan, bai ordea

ba badira besteenak.

Beste aldetik diktadore bat

da, ta ni bezala denak

behin baino gehiagotan talka

egingo du ta dozenak

izan arren txoke horiek,

nik nire aita, maitenak,

horregatik maite dut eta

berak maite ditu denak.