Kontra eta alde

Izkiriatzean edo idaztean

egon badira idazlea

deskontzentratu egiten duten

gauzak, hala nola erlea.

Eta eltxoa eta zarata,

abeslaria izatea,

arazoren bat edo pilo bat,

deitzen egotea atea.

Aldi berean badira ere

berdin eskribatzailea

bizitzen daben txikikeriak,

etsenpluz, irakurlea.

Eta idatzita berak daukana,

obra bera, gizartea,

denbora-pasa, bokazioa,

aberria eta artea.