Lezama edo hil

Gaur da eguna, gaur Athletic-ek

Bukarest-eko zelaian

futbolean ba lehoia dela

erregea dauka auzian.

Hamaika euskaldun… ta Euskal Herriak

ametsa dute baloian

ta gabarra bat dago jokoan

dena emango duten lehian.

Zurigorriek ta Madril-eko

Atletikoa, bizian

izan ei dugun partidurik ba

handiena akaso, agian.

Europa hor dugu gure zain eta

praktikan ta teorian

Filosofia harrobikoa

zer den gaur dute ikasgaian.