Alferrik

Berrogeita hamar egun ez dauzka

loba txikiak, bizirik

denbora gutxi darama eta

maite nuen jaio aurretik.

Berak, Markelek, asko, lar ez da

aldatu jaio zenetik,

baina bestea dena aldatu da,

ez ezta?, orduz geroztik.

Ez dakizue zenbat abestu

nion atzo egunean nik

eta berak bai barre egin zuen

ai egindakoagatik.

Poztu egin nintzen, itzela izan zen

eta ez dauka oraindik

ahotsik eta nik jada nago

hitzik gabe eta alferrik.