Bataila

Orain dela urte pilo bat

ni nintzen irakurlea

ta eguna irakurtzen ematen

nuen, irakurzalea.

Orain dela ez hainbeste urte

ni egin nintzen idazlea

ta “eguna” idazten ematen dut,

naiz eta izkiriatzailea.

Orain ez dut asko irakurtzen,

idatzi bai ta, zalea,

nire lehen irakurlea naiz,

ta baita ere ikaslea.

Zeren horrela asko ikasten da,

akatsetatik, sinplea!,

hobekuntza dator ta horretan

daukat benetan pelea.