Bitxikeriak

Irakurleak irakurtzean

pasatzen ditu orriak,

aurrerantz, aizu, gehienetan ta

aldrebes be, ai begiak.

Bertsolariak idatzi orduan

pasatzen ditu ez “zuriak”

ta bai ordea bertsoak edo

poesiak, olerkiak.

Ta hauek, aizue, ez al dira ba

bizitzaren oinarriak,

existitzean zein bizitzean

sorturiko ai zauriak.

Sendatuak ta sendaezinak,

zein senda bidean, biak?,

dira materia poetikoa,

gaina edo marrubiak.