Doinua

Durangon dugun ta Ezkurdi plazan

etxetik soinu bikainak

entzuten ditut eta eurak dira

guztiz-guztiz ezberdinak.

Kanpaien hotsa, ahotsaren bat,

txorien arteko ipuinak,

haizetxo kantak, trumoitxo berbak

oihu, garrasi arinak,

txistu politak, txalo andana,

pausu zintzoen ezinak,

telefonoa, musika eta

motorrak eta hegazkinak

Ta euren artean atseginena

isiltasunaren oinak

edo hobeto bere oihartzuna,

kenduta noski sorginak.