Sinplea

Ez naiz urrezko ezkongabe bat,

nahiz ta izan ezkongabea,

txanpon txikiko ezkongabea

naiz, horra nire fedea.

Ez naiz aitatxo berri bat, nahiz

izan osaba maitea,

aita bitxia be eta horrela

daukat arima betea.

Poesia gainera hortxe da,

emakume lez, andrea

da niretzat edo hobeto

esanda nire emaztea.

Eguneroko ezkonlaguna,

bikaina bezain gaztea,

maitasuna edo amodioa

beran daukat, ze sinplea!