Helduko da

Askeak izan nahi dugu, baina

Euskal Herriak, laguna,

ez du eskuratzen behin galdu zuen

funtsezko askatasuna.

Bakean bizi nahi dugu, baina

Euskal Herriak, kutuna,

ez dauka eskura behin galdu zuen

berezko baketasuna.

Eta hori barik gu triste gaude,

galdu dugu alaitasuna,

nahiz ta dakigun izango dela

gure artean poztasuna.

Egun horixe helduko da ta

orduantxe osasuna

be lortuko da, ze oraingokoa

ez al da gaixotasuna?