Hitzetik hortzera

Orri txikietan nik dauzkat

idazteko normalean

idatzita ideia batzuk,

baina gaur da ezer ezean.

Beraz bertso honen idazketa

zelan doa? Bat-batean,

ta ez da lehena eta ez da azkena

izango, hala da, azkenean.

Bat-bateko idazkuntza bada,

dena da sortu, sortzean

barruko korapilo hori

kanpora doa, askatzean

neurria, errima ta doinu

bat hartzen du eta hartzean

honelako bitxikeriak

datoz ta bere-berean.